Cəlil Ələkbər oğlu Cəfərov

 
1972-ci ildə anadan olmuşdur. 1994-cü ildə Azərbaycan Texniki Universitetin Radiotexnika fakültəsini, 1993-1994-cü illərdə Dillər Universitetinin nəzdində 2 illik ingilis dili kursunu bitirmişdir.

1994-1997-ci illərdə Azərbaycan Respublikası Elmlər Akademiyasının Fotoelektronika (indiki Fizika İnstitutu) İnstitutunun aspiranturasının məzunu olmuşdur.

1995-1997-ci illərdə keçmiş Rabitə Nazirliyinin Beynəlxalq Əlaqələr və Hesablamalar Mərkəzində mühəndis kimi fəaliyyətinə başlamışdır, 1997-ci ildə Rabitə Nazirliyinin Telekommunikasiya İdarəsinin Baş mütəxəssisi, 1997-2004-cü illərdə isə İnvestisiya Şöbəsində şöbə rəisinin müavini vəzifəsində çalışmışdır.

2002-ci ildə Azərbaycan Silahlı Qüvvələrin Hərbi Akademiyasının «Strateji Tədqiqatlar və Dövlət Müdəfiəsini İdarəetmə» akademik kursunu, 2003-cü ildə Yaponiya dövlətində «Telekommunikasiya Siyasəti və İdarəetməsi» kursunu bitirmişdir.

07.04.2004-cü il tarixindən isə ilk dəfə fəaliyyətə başladığı Rabitə və İnformasiya Texnologiyaları Nazirliyinin Beynəlxalq Əlaqələr və Hesablaşma Mərkəzinin (BƏHM) direktoru vəzifəsinə təyin olunmuşdur.

2008-ci ildə Rabitə Ustası fəxri adına layiq görülmüşdür.

2009-cu ildə Fəxri Fərmanla təltif olunmuşdur.



Direktor müavini

Məmmədov Vaqif Xəlil oğlu
 
31 may 1943-cü ildə Azərbaycan Respublikasının Qazax rayonunda anadan olmuşdur. 1968-ci ildə Kiyev Mülki Aviasiya İnstitutunun elektrotexnika fakültəsini bitirib. 1973-cü ildə Ukrayna Elmlər Akademiyası Kibernetika İnstitutunun elmi şurasında hesablama texnikası sahəsində dissertasiya müdafiə edib və Texniki Elmlər Namizədi dərəcəsini alıb.

1972-ci ildən Azərbaycan Respublikası Elmlər Akademiyası Kibernetika İnstitutunda müxtəlif vəzifələrdə işləyib. 02 may 2005-ci ildən Rabitə və İnformasiya Texnologiyaları Nazirliyinin Beynəlxalq Əlaqələr və Hesablaşma Mərkəzində direktor müavini vəzifəsində işləyir.



Baş mühasib

Məhərrəmov İlqar Kəkül oğlu
 
19 iyun 1961-ci ildə Lerik rayonunda anadan olub. 1983-cü ildə M.Əzizbəyov adına Neft və Kimya İnstitutunun (indiki ADNA) iqtisad fakültəsini bitirmişdir.

1984-1985-ci illərdə Lerik rayon Aqrar Sənaye Birliyində baş mühasibin müavini, 1985-1986-cı illərdə Abşeron Qazma İşləri İdarəsində mühasib, 1986-1988-ci illərdə “Leninneft” NQCİ TQİ-də baş mühasib, 1988-1991-ci illərdə “Baksantexelektromontaj” trestində baş mühasib, müdir müavini, 1991-1993-cü illərdə “İnşaatçı-8” KDM-də baş mühasib, müdir müavini, 1993-1996-cı illərdə Maliyyə Nazirliyi “Azəraudit” Mərkəzinin Suraxanı rayon şöbəsinin rəisi, 1996-2001-ci illərdə Dalma Qurğularının Təmiri və Kirayəsi üzrə Eksperimental Müəssisində iqtisadçı, 2001-2003-cü illərdə İqtisadi İnkişaf Nazirliyinin Suraxanı rayon şöbəsində mütəxəssis, 2003-2008-ci illərdə “İnşaat” MTK-da baş mühasib vəzifələrində işləyib.

Hal-hazırda Rabitə və İnformasiya Texnologiyaları Nazirliyinin Beynəlxalq Əlaqələr və Hesablaşma Mərkəzində baş mühasib vəzifəsində işləyir.